Tohuus

Heimatkundliche Arbeitsgemeinschaft Stadt und Karkspeel Gaarn

Wi sünd een Arbeitsgruppe vun de Heimatbund

Unse Teel is dat, die Heimatgeschichte vun Stadt und Karkspeel Gaarn fasttohol'n, dat optoarbeiten un to präsenteeren. In dat Archiv hebbt wi Bööker, Schriften, Dokumente, Biller, alleen över 1300 Dias, Fotoalben, Postkorten, Breefe un Exponate as Tüügen vun unse heimatgeschichtliche verleden Tiet. 
Süüt 1988 kummt jedet Johr en nieje Heft mit de Titel 'Dor is wat in de Klock' rut. Do kaamen Tiettüügen to Woort, Inheimische un Butengaarner vertellen Geschichten un Begebenheiten, Tahlen un Fakten waarn nennt, de vun uns rutfunnen wurrn un dat gifft jümmers en Gegenwartschronik vun't letzte Johr.

Wer mokt mit?

Uns Opgaven in unse Arbeitsgruppe sünd männig breet streut un dor is för jedeen wat dorbi.

Wer much gern
  • Schrievarbeiten moken
  • an de Computer arbeiten
  • afleggen
  • wichtige Saaken ordnen
  • wat to Papeer bringen
  • sik mit historische Kraam befaaten
  • de Geschicht vun sien Vereen schrieven
  • överleeferungswürdige Saaken in Ton un Bild fasthooln
Maak mit, bring di in, dat gifft veel to doon!

De Geschichte vun de TMS

Na över 50 Johr gung de Ära vun de Gaarner Haupt- und Realschool in 2011 to Enn.

Anke Dellin, de 41 Johr an düsse School ünnerrichtet hett, un Matthias Knutzen hebbt een Schoolchronik tosaamenstellt.

Dat Book givt dat nich mehr.

Historische Schoolbiller

In düsse Chronik findst du de Geschichte vun de Schoolen vun Gaarn vun 1952 bet 1965. Schöölerlisten vun de Rektorklasse vun 1809 bet 1895, de Privaatschool an't Markt vun 1901 bet 1911 und vun de Distriktschool Borsthusen vun 1840 bet 1875. 
Butendem över 80 Schoolbiller, chronologisch af de Geboortsjaahrgang 1895 bet to'n Geboortsjaahrgang 1959 mit den Naamens vun de Schööler/Innen und vun de Lehrer/Innen vun all ehemaligen Schoolen in Stadt und Karkspeel Gaarn för de Eröffnung vun de hüütige Theodor-Mommsen-School (TMS) in 1960.

Tosaamenstellt vun Anke Dellin un Matthias Knutzen, rutgeven vun de Heimatkundliche Arbeitsgemeinschaft, wo du düsse Heft uk för € 10,00 kriegen kannst.

Eiderstedter Trachtengruppe

In düsse Dokumentation gifft dat een knappe un goode Översicht över de Höhepunkte vun 25 Johren Tätigkeit för een Jugend-Trachtengruppe.
De Ünnerlaagen wurrn vun Ingo Runge sammelt und bewaahrt. Se wurrn vun Käte Hinrichsen to düsse Dokumentation tosaamenstellt, wobi ehr Hartmut Jagusch, Marga Cornils un Dieter Staacken to Siet staahn hebbt.
Dat Heft kannst du uk bi de Heimatkundliche Arbeitsgemeinschaft kriegen.
Share by: